Laxá á Keldum á aðalupptök sín í Rangárbotnum, suðvestur af Laufafelli i um 600 m hæð yfir sjávarmáli. Frá upptökum til ósa eru 61 km. Áin er að stofni til lindá en þó fellur til hennar nokkuð af dragvatni og einnig litilsháttar jökulvatn. Þar rennur hún við jaðar Hekluhrauna uns hún fer út á þau við við Rauðnefsfjall

Vatnasviðið er 562 KM2. Meðalrennsli árinnar að Tungufoss er um 20 m3/sek.

Laxá á Keldum er lindá en hún hefur einnig dragár– og jökulþátt. Jökulþáttinn sækir hún til Tindfjallajökuls.

Norður-Atlantshafslaxinn, hefur staðið frammi fyrir hnignun á undanförnum áratugum vegna ýmissa umhverfisáskorana og mannlegra athafna. Í viðleitni til að endurlífga og stækka laxastofninn er athyglisvert verkefni okkar í gangi við að stækka eina gjöfulustu laxveiðiá landsins og efla náttúrulega hrygningu. Þetta framtak miðar ekki aðeins að því að efla laxastofninn heldur einnig að stuðla að heildarheilbrigði vistkerfisins árinnar.

Stækkun og efling laxveiðiáa er mikilvægur þáttur í þeirri stefnu sem miðar að því að efla laxastofninn í Norður-Atlantshafi. Verkefnið felur í sér að opna fleiri búsvæði, sem gerir laxi kleift að komast inn á ný hrygningarsvæði

Veiðileyfi

Veiðisvæðið nær frá Hafrafelli og að Tungufossi. Tvær lindár eru á svæðinu og heita Keldnalækur og Teitsvötn. Í ánni er stunduð vorveiði í apríl og er uppistaða veiðinnar staðbundinn urriði og bleikja. Von er á stórum löxum sem hefur verið sleppt í ána.  Stærð þeirra er frá 50cm og upp í 86cm. Sex stangir eru leyfðar á svæðinu í ánni sjálfri og í Keldnalæk eru tvær stangir og fylgir seldum veiðileyfum leiðsögumaður. Leyft er að veiða á flugu en öllum fiski skal sleppt.  Þar sem silungsveiði hefur ekki verið leyfð áður þá verður þetta í fyrsta skipti sem veiði verður stunduð.  Þeir sem munu sækja þennan stað munu ekki verða fyrir vonbrigðum með hversu falleg áin er og von er á góðum fiskum.